huemeno® Me

Á breytingaskeiði eiga sér stað margvíslegar breytingar í líkama okkar – sumar sýnilegar, aðrar ósýnilegar – sem snerta orku, meltingu, þarmaflóru, efnaskiptaheilsu, varnir líkamans og heilbrigði örveruflóru legganga, svo eitthvað sé nefnt.

Aðalvaran í huemeno® línunni, huemeno® Me, er fjölvirkur stuðningur fyrir konur á breytingaskeiði og á árunum sem fylgja.

huemeno® Me var þróuð til að styðja við grunnþætti heilsunnar – með fáum, völdum innihaldsefnum sem vinna saman á öflugan hátt.  huemeno® Me er stoð sem byggir grunn að betri heilsu, orku og vellíðan til framtíðar.

huemeno® vörurnar innihalda hvorki hormóna né hormónalík efni, svo sem plöntuhormóna (e. phytoestrogens) eða jurtaútdrætti sem líkja eftir áhrifum estrógens eða annarra hormóna.  Þær henta því bæði sem sjálfstæður stuðningur og sem hluti af breiðari nálgun samhliða hormónauppbót eða öðrum úrræðum, allt eftir því sem hver kona kýs.

Hvers vegna heitir varan huemeno® Me?

Á breytingaskeiði skiptir máli að hlusta á eigin líkama, gefa sér tíma til að skynja og upplifa einkenni og breytingar sem við kunnum að finna fyrir – og hlúa að grunnstoðum heilsunnar á eigin forsendum. huemeno® Me vísar til þessa.

“me” stendur fyrir „mig“ – sjálfsvitundina, innri styrkinn og þá ákvörðun að setja eigin heilsu og líðan í forgang.

Stuðningur við meltingu og daglega vellíðan

Þarmaflóran gegnir lykilhlutverki í meltingu, upptöku næringarefna, orkuvinnslu og almennri líðan, andlegri jafnt sem líkamlegri.

Þegar örverujafnvægi í meltingarvegi raskast getur það haft áhrif á meltingu og leitt til óþæginda eins og uppþembu, breytinga á hægðum, valdið hægðatregðu auk annarra meltingartruflana.

huemeno® Me inniheldur meðal annars sértæka SynbÆctive® góðgerlastofna sem geta:

  • Stutt við fjölbreytileika þarmaflóru
  • Stutt við heilbrigði þarmaslímhúðar (e. epithelium)
  • Draga úr óþægindum á borð við uppþembu
  • Stutt við meltingu, reglulega losun og almenna daglega vellíðan

Stuðningur við örveruflóru legganga 

Á breytingaskeiði getur örveruflóra í leggöngum einnig tekið breytingum, þruska getur myndast og útferð aukist og konur eiga oft í auknum og endurteknum sýkingum á þessum tíma.

Minnkandi magn estrógens getur raskað jafnvægi flórunnar, haft áhrif á sýrustig (pH) og þannig dregið úr náttúrulegri vernd gegn óæskilegum bakteríum.

huemeno® Me inniheldur meðal annars sértæka SynbÆctive®  góðgerlastofna sem geta náð fótfestu í slímhúð legganganna og styðja þannig við náttúrulegt örverujafnvægi á þessu viðkvæma svæði.

 

 

Mikilvægi örveruflórunnar – og tenging við efnaskiptaheilsu

Örveruflóra líkamans – einkum þarmaflóran – gegnir lykilhlutverki í heilsu okkar og tengist einnig efnaskiptaheilsu (e. metabolic health).

Hún getur þannig meðal annars haft áhrif á meltingu, ónæmiskerfið, næringarnýtingu, bólgustjórnun, haft áhrif á andlega heilsu, orkuvinnslu og blóðsykurstjórn – þætti sem skipta ekki síst máli á breytingaskeiðinu.

Þegar konur nálgast og ganga í gegnum breytingaskeiðið breytist hormónajafnvægi líkamans. Minnkandi magn estrógens getur meðal annars haft áhrif á hvernig líkaminn vinnur úr orku og fitu – og hvernig fita dreifist um líkamann og hvar hún safnast fyrir.

Margar konur taka eftir aukinni fitusöfnun á kviðsvæði á þessum tíma – svokallaðri kviðfitu (visceral fitu).

Hvað getur aukin kviðfita þýtt fyrir okkur?

Kviðfitu ætti ekki að skoða eingöngu sem útlitsbreytingu – heldur getur hún verið vísbending um að dýpri ferlar, eins og efnaskipti og bólgusvörun líkamans, séu að breytast.

Kviðfita getur tengst aukinni hættu á sveiflum í blóðsykri, insúlínviðnámi, krónískum bólgum og öðrum þáttum sem hafa áhrif á heilsu okkar til lengri tíma, svo sem áhættuþáttum fyrir hjarta- og æðasjúkdóma og önnur langvinn heilsufarsvandamál.

Stuðningur við þarmaflóruna, orkuvinnslu og efnaskiptaheilsu getur því verið mikilvægur þáttur í að hlúa að heilsunni til lengri tíma.

 

SynbÆctive® x huemeno®

Það er mikilvægt að hafa í huga að áhrif góðgerla ráðast ekki aðeins af tegund bakteríu eða gerli – heldur af því hvaða stofn er nákvæmlega notaður, í hvaða magni og við hvaða aðstæður.

huemeno® Me inniheldur þrjá klínískt prófaða SynbÆctive® góðgerlastofna frá SynBalance Srl – ítölsku líftæknifyrirtæki sem nýtir tækni sem byggir á nákvæmri greiningu örveruflórunnar og sérhæfir sig í þróun góðgerlalausna með skýrri skilgreiningu á virkni og traustum klínískum gögnum.

Markmið SynBalance er að styðja við heilsu með áhrifum á örveruflóruna og leggja þannig grunn að forvörnum gegn langvinnum sjúkdómum og áhrifum öldrunar.

Árið 2021 hlaut SynBalance NutraIngredients Awards verðlaunin „Ingredient of the Year – Weight Management“ fyrir innihaldsefni flokki þyngdarstjórnunar, fyrir þessa tilteknu blöndu gerla sem notuð er í huemeno® Me.  Hún styður við efnaskiptaheilsu og getur dregið úr söfnun kviðfitu og minnkað mittismál umtalsvert með því að hafa áhrif á örveruflóruna.

Í huemeno® Me eru notaðir þrír stofnar SynbÆctive® góðgerla sem hafa verið rannsakaðir sérstaklega fyrir sértæka eiginleika – til stuðnings við meltingu, efnaskiptaheilsu og jafnvægi flóru í leggöngum – og eru notaðir í þeim skömmtum sem rannsóknir styðja og sýna jafnframt að þeir nái á þá staði sem þeim er ætlað að hafa áhrif.

Auk þess inniheldur huemeno® Me inúlín og FOS trefjar, svokallaða forgerla, sem næra góðgerlana og styðja virkni þeirra í líkamanum.

Í huemeno® Me eru einnig tvö B-vítamín:

  • B6 vítamín, sem styður við orkuvinnslu, starfsemi taugakerfis og hormónajafnvægi,
  • B1 vítamín (þíamín), sem hjálpar til við umbreytingu fæðu í orku og styður við starfsemi hjarta og taugakerfis.

huemeno® Me er fæðubótarefni sem má taka með öðrum huemeno® vörum og er tilvalið fyrir konur á og í kringum breytingaskeiðið.

huemeno® vörurnar eru góð leið til að styðja við grunnstoðir heilsunnar, þær eru með fáum innihaldsefnum, en með fjölþætta virkni.

Hvað getur huemeno® Me stuðlað að?

  • Jafnvægi í þarmaflóru og meltingu
  • Efnaskiptaheilsu og orkuvinnslu
  • Jafnvægi í flóru legganga og þvagfæra
  • Reglu á hormónastarfsemi 
  • Eðlilegri starfsemi taugakerfisins 
  • Minni þreytu og lúa

huemeno® er stolt af því að vera hluti af alþjóðlegri hreyfingu sem hefur það að markmiði að gera breytingaskeiðið sýnilegt, skiljanlegt og þýðingarmikið. Þess vegna eru vörurnar okkar vottaðar með MTick® – fyrsta alþjóðlega tákninu sem sýnir að vara teljist „menopause-friendly“, eða hentug fyrir konur á breytingaskeiði.

Bakvið MTick® stendur GenM®, félag sem hefur gjörbreytt samtalinu um breytingaskeiðið í Bretlandi – og nú víðar.

 

 

Notkunarleiðbeiningar og innihald:

Ráðlagður neysluskammtur:
1 hylki á dag með vatni, á milli máltíða.

Innihald í einu hylki:
Efni Magn % NRV*
SynbÆctive® Lactiplantibacillus plantarum PBS067           6 × 10⁹ CFU** **
SynbÆctive® Lactobacillus acidophilus PBS066 – **
SynbÆctive® Limosilactobacillus reuteri PBS072 – **

Inúlín 100 mg **
FOS (frúktóóligósakkaríðar) 100 mg **
B6 vítamín 1,6 mg 114%
B1 vítamín (þíamín) 0,22 mg 20%

* Viðmiðunargildi næringarefna samkvæmt reglugerð ESB 1169/2011.
** NRV ekki skilgreint.
*** CFU = Colony Forming Units.

Innihaldsefni:

Inúlín; frúktóóligósakkaríðar (FOS); hylki (gljáefni: hýdroxýprópýlmetýlsellulósi; þykkingarefni: gellangúmmí); maíssterkja;Limosilactobacillus reuteri PBS072 (DSM 25175); Lactobacillus acidophilus PBS066 (DSM 24936); Lactiplantibacillus plantarum PBS067 (DSM 24937); maltódextrín; magnesíumsölt fitusýra (kekkjavarnarefni); B6 vítamín (pýridoxínhýdróklóríð);B1 vítamín (þíamínhýdróklóríð).

Inniheldur ekki soja, glúten, laktósa eða erfðabreytt efni. Hentar grænmetisætum og grænkerum.

Geymsluleiðbeiningar:
Geymist á köldum, þurrum stað fjarri sólarljósi. Geymist þar sem börn ná ekki til og sjá ekki til.

Varnaðarorð:
Neytið ekki meira en sem nemur ráðlögðum neysluskammti. Ekki ætlað að koma í staðinn fyrir fjölbreytta og fæðu og heilbrigðan lífsstíl. Leitið ráða hjá heilbrigðisstarfsfólki ef þú ert barnshafandi, með fæðuóþol, með undirliggjandi sjúkdóma eða tekur lyf.

Framleitt og pakkað í GMP vottaðri verksmiðju á Ítalíu fyrir:
huemeno ehf.