Engar tvær konur upplifa breytingaskeiðið á sama hátt

Breytingar á líðan þegar við nálgumst ákveðinn aldur geta tengst breytingaskeiðinu – oft án þess að við gerum okkur grein fyrir því. Einkennin eru gjarnan misskilin, ranggreind eða jafnvel hunsuð.

Þrátt fyrir að breytingaskeiðið snerti helming mannkyns er enn skortur á upplýsingum og tölfræði um áhrif þess á líf og störf kvenna á Íslandi – ekki aðeins hvað varðar heilsu, heldur einnig áhrif á fjölskyldulíf, samskipti og þátttöku á vinnumarkaði.

Margar konur ganga í gegnum þetta tímabil í hljóði – án aðstoðar, skilnings eða úrræða.

huemeno® – skýr nálgun fyrir framtíðina

huemeno® leggur áherslu á nálgun sem tekur mið af því hve einstaklingsbundin og fjölbreytt upplifun breytingaskeiðsins getur verið með öllum þeim fjölda einkenna sem geta birst okkur á mismunandi hátt. Við vitum að engin ein lausn hentar öllum – en teljum þó að allar konur ættu að huga að grunnstoðum heilsunnar, sérstaklega á þessu tímabili lífsins, ekki síst til að viðhalda góðri heilsu og atorku á árunum sem fylgja. 

Við horfum ekki til þess að mæta eingöngu algengum einkennum, heldur leggjum áherslu á að styrkja líkamlega og andlega heilsu til framtíðar.  Með því að styðja grunnferla líkamans – eins og orkuvinnslu, meltingu og losun, efnaskipti, beinheilbrigði og jafnvægi í taugakerfi – getur huemeno® verið stoð sem hjálpar til við að byggja grunn að betri heilsu, orku og vellíðan til framtíðar.

Að opna umræðuna

Þögnin í kringum breytingaskeiðið – og sú upplýsingaóreiða sem oft virðist blasa við þegar leitað er að svörum – er okkur hugleikin. Þó sannarlega hafi orðið jákvæðar breytingar og aukning á samtalinu þá þarf meira til að tryggja og miðla þekkingu og bjóða betri stuðning við konur á þessum tíma.

Við viljum leggja okkar af mörkum til að opna umræðuna enn frekar og vekja athygli á málefninu, meðal annars í gegnum samstarf við breska frumkvöðlafélagið GenM®, sem vinnur markvisst að því að gera breytingaskeiðið sýnilegt og styrkja skilning á því.

Við trúum á breytingu

Það hefur ríkt þögn í kringum breytingaskeiðið – of lengi.

huemeno® ber MTick-merkið með stolti og tekur með því virkan þátt í nauðsynlegri vakningi og dregur athygli að málefninu. 

Breytingaskeiðið felur í sér raunverulegar líffræðilegar breytingar sem hafa áhrif á heilsu kvenna.  Minnkað estrógen hefur meðal annars áhrif á beinþéttni, hjarta- og æðakerfi, húð, slímhúðir og efnaskipti. Margar konur upplifa einnig svefntruflanir, meltingarvandamál, orkuleysi eða breytingar á andlegri líðan – og svo mætti lengi telja.

Einkennin eru jafn fjölbreytt og ólík og konurnar sem ganga í gegnum þau.

huemeno® vörurnar eru þróaðar með konur á þessu lífsskeiði í huga – breytingaskeiðinu.

Þær eru hannaðar til að styðja markvisst við grunnstoðir heilsunnar og vellíðan á breytingaskeiði og á árunum sem fylgja – bæði sem sjálfstæður stuðningur og sem hluti af breiðari nálgun samhliða hormónauppbót eða öðrum úrræðum, allt eftir því sem hver kona kýs.

huemeno® – fá innihaldsefni, fjölþætt virkni

Breytingaskeiðinu getur fylgt mikið álag og við trúum því að raunverulegur styrkur felist í einfaldleika. Þegar líkaminn er að takast á við slíkar umbreytingar teljum við ekki endilega skynsamlegt að íþyngja honum með fæðubótarefnum sem innihalda flóknar blöndur eða mikinn fjölda innihaldsefna.

huemeno® vörurnar eru byggðar á þeirri hugsjón að styðja við grunnstoðir heilsunnar með fáum en vel völdum innihaldsefnum – efnum sem hafa verið valin sérstaklega vegna fjölþættrar virkni þeirra og tengsla við lykilþætti líkamlegrar og andlegrar heilsu á breytingaskeiðinu… og eftir það.  Þær innihalda hvorki hormóna né hormónalík efni, svo sem plöntuhormóna (e. phytoestrogens) eða jurtaútdrætti sem líkja eftir áhrifum estrógens eða annarra hormóna.

Í stað þess að treysta á flóknar blöndur með fjölda ólíkra efna leggur huemeno® áherslu á samsetningar þar sem hvert innihaldsefni hefur skýran tilgang og er notað í skömmtum sem styðja við markmið vörunnar.

huemeno® fylgir þér til framtíðar með stuðningi sem styrkir mikilvæga þætti heilsu okkar.